Uttanlands

USA: Í minsta lagi ein um dagin

Higartil er boðað frá 247 hópskottilburðum í USA í ár, og í gjár vóru fýra

Løgreglufólk í Columbus í Ohio, har tíggju fólk vórðu rakt av skotum sunnumorgunin (Mynd: NBC)

2024-06-24 10:07

Alda Nielsdóttir

Í miðal hevur USA havt í minsta lagi ein hópskottilburð um dagin í 2024, vísir uppgerð hjá heimasíðuni Gun Violence Archive sambært The Guardian.

Talan er um ein hópskottilburð, tá í minsta lagi fýra fólk verða skotin.

Eitt nú sunnudagin varð boðað frá fýra hópskottilburðum í statunum New York, Alabama, Missouri, og Ohio. Ein lat lív, meðan 34 vórðu særd.

Tilsamans er fyribils boðað frá 247 hópskottilburðum í USA í ár.

Vinarliga broyt tínar kennifíla - og privatlívsstillingar fyri at síggja hetta innihald