Fekk eina deyða kúgv oman yvir seg

Eitt heldur óvanligt arbeiðsóhapp fór fram í svenska býnum Borås í dag. 

Aftonbladet skrivar, at ein maður á einum sláturvirki kom í stórar trupulleikar. Hann arbeiddi millum annað við kúm, og tað endaði við at ein kúgv endaði á arbeiðsmanninum.

Talan var um eina deyða kúgv, ið helst skuldi verða slátrað. 

Kýr viga vanliga nøkur hundrað kilo, tá tær eru vaksnar. Løgreglan í Borås, ið fekk fráboðanina stutt eftir middag, upplýsir, at maðurin ikki er í lívsvanda.

Hann varð koyrdur á sjúkrahúsið við sjúkrabili og hevði fingið nøkur brot.

Sambært svenskum miðlum er ikki greitt, hvussu hetta kundi henda. Ein kanning er tó í gongd.