Apple Maps-bilar á veg hendavegin

Vit vita ikki, um ørindini eru at taka myndir í Føroyum, ella um bilarnir skulu víðari til Íslands.

Men føroyingar skulu kanska fyrireika seg upp á at aftur blíva fotograferaðir av bilum við serligari útgerð til at taka 360° myndir gjøgnum gøtur og vegir.

Fyrrapartin vóru ikki færri enn seks bilar frá Apple Maps sæddir í bíðirøðini at sleppa umborð á Norrønu í Hirtshals. Allir bilarnir útgjørdir við myndatóli á takinum.

Apple Maps, ið liggja á so at siga allari útgerð frá Apple, er í gongd við at útbyggja tænastuna, har ein eisini kann síggja myndir úr jørðhædd fyri á tann hátt at skoða hvussu býurin ella landslagið sær út 360°. Tænastan eitur Look Around, og er so at siga tann sama, sum Street View tænastan hjá Google Maps.