Vælferðarlógin: Avvarðandi møguleika at verða heima hjá álvarsliga sjúkum

Nýggja vælferðarlógin, sum Eyðgunn Samuelsen, landsstýriskvinna hevur lagt fyri løgtingið, fer m.a. at gera tað møguligt hjá avvarðandi at álvarsligum sjúkum at verða heima hjá teimum í eina tíð, og fáa endurgjald fyri mista arbeiðsinntøku upp til 25.000 kr. um mánaðin.

Talan er um bráðfeingis støður, tá fólk yngri enn 67 ár – antin við seinheilaskaða, ella sum eru doyggjandi, sum ynskja at verða heima í tryggum og heimligum umhvørvi seinastu tíðina. Nýggja lógin fer at gera tað møguligt hjá avvarðandi at fara úr arbeiði og heim at ansa eitt nú sjúkum maka í eitt styttri tíðarskeið.

Eyðgunn Samuelsen, landsstýriskvinna í almannamálum, ásannar, at hóast tað eisini aðrir bólkar, sum kunnu hava tørv á hesi skipanini, so verður hesin møguleiki ein góð hjálp hjá teimum familjum, sum koma í hesa truplu støðu. Skipanin er ein byrjan, og til ber at útbyggja hana seinni.