Fýra minusóparaskip til Føroya

Skip úr NATO-minusóparabólkinum SNMCMG1 (Standing NATO Maritime Countermeasure Group One) vera í Føroyum um vikuskiftið.

Hesum boðar Uttanríkis- og vinnumálaráðið frá í dag.

Talan er um eitt týskt, eitt litaviskt og tvey kanadisk skip. Summi skip komu í gjár, meðan onnur koma í dag.

Okkurt av skipunum siglir millum oyggjarnar fyri at gera kanningar og venja, áðrenn tey leggja at í Havn.

Um vikuskiftið liggja tey fýra skipini við bryggju í Havn.

Onnur skip úr sama bólki vóru í Føroyum í fjør.