Yvirhálaði og rendi á gravkúgv

Beint fyri middag í gjár hendi eitt ferðsluóhapp á Vatnavegnum millum Miðvág og Vatnsoyrar.

Undir einari yvirháling hendi okkurt hjá einum bilførara, sum misti tamarhald á bilinum, tá hann skuldi inn á egna vegbreyt aftur. Bilurin endaði á einari gravkúgv, sum stóð í høgrusíðu á vegnum.

Eitt fólk var í bilinum, men eingin persónsskaði var. Bilurin fekk stóran skaða og pláturnar eru tiknar av bilinum.