Framvegis vøkstur í fólkatalinum á Tvøroyri

- Seinastu dagsaktuellu fólkatølini frá Landsfólkayvirlitinum bera boð um, at hóast eina lítla minking í samlaða fólkatalinum síðan vit seinast kunngjørdu tølini, so er ein hampuligur vøkstur í fólkatalinum í Tvøroyrar kommunu seinasta 12 mánaðirnar.

Soleiðis skrivar Tvøroyrar kommuna á heimasíðu sínari, har boðað verður frá lítlari hækking í fólkatalinum - samstundis sum samanlagda fólkatalið í Suðuroynni er nakað minni enn fyri einum ári síðani.

Hin 17. september 2023 vóru 1.738 borgarar í Tvøroyrar kommunu. Í dag er tað talið 1.753, svarandi til ein vøkstur upp á 15 borgarar, ella 0,86 prosentstig.

Tølini fyri oynna vísa eina afturgongd upp á 34 fólk.

Fámjin 80/73, svarandi til eina minking upp á upp á 7 borgarar, ella -8,75 prosent.

Hov 106/103, svarandi til eina minking upp á 3 borgarar, ella -2,83 prosent.

Hvalba 649/635, svarandi til eina minking upp á 14 borgarar, ella -2,16 prosent.

Porkeri 322/325, svarandi til ein vøkstur á 3 borgarar, ella 0,93 prosent.

Sumba 331/330, svarandi til eina minking upp á 1 borgara, ella -0,30 prosent.

Tvøroyri 1738/1753, svarandit til ein vøkstur upp á 15 borgarar, ella 0,86 prosent.

Vágur 1370/1343, svarandi til eina minking upp á 27 borgarar, ella -1,97 prosent.

Samlaða talið fyri Suðuroynna var 4.596 fólk 17. September 2023. Nú er tað 4.562 fólki. Hetta svarar til eina minking á 34 fólk ella -0,74 prosent.