Margreta drotning framvegis innløgd

Margreta drotning er eftir hálvtannað samdaøgur framvegis innløgd á Ríkissjúkrahúsinum.

Tað sigur kongshúsið við TV2.

Hvussu leingi drotningin verður innløgd, verður einki sagt um. Tað var eftir at hon datta heima á Fredensborg slotti mikukvøldið, at 84 ára gamla drotningin varð innløgd.

Hon hevur tað eftir umstøðunum gott, men er fyribils innløgd til observasjón, segði Lene Balleby, kongaligur kunningastjóri, í fráboðan í gjár.