Margreta drotning útskrivað

Margreta drotning er útskrivað av Ríkissjúkrahúsinum, og er nú heima aftur á Fredensborg slotti.

Kongshúsið boðar frá, at Margreta bleiv innløgd mikudagin eftir at hon datt við hús á Fredensborg sotti, og brákaði ein geisla í hálsinum umframt brot í vinstru hond.

Vinstra hond er løgd í gips, og drotningin skal næstu mánaðirnar ganga við hálskraga.

Margreta drotning er við gott mót og hevur tað eftir umstøðunum gott, men verður sjúkrameldað í longri tíð, sigur kongshúsið.