Ferðafólk kom í trupulleikar við Trælanípuna

Tað eru júst ferðafólk, sum hava gjørt gøtu frá Miðportrinum og niðan á sjálva Trælanípuna í sambandi við átakið "Closed for Maintenance".

Tað skuldi verið gott at gingið í økinum, men onkutíð kann man vera óheppin og áhalsin.

Hetta var so hjá einum ferðafólki, sum meiddi sær fótin á túri til Trælanípuna seinnapartin í gjár - so mikið at tað ikki bar til at ganga víðari

Viðkomandi var ikki einsamallur, og boð vóru send eftir hjálp. Vaktleiðarin á løgreglustøðini í Havn í morgun sigur, at boðini fóru víðari til Landssjúkrahúsið.

Tað er ikki skrásett, um tryla varð nýtt - eins og til hendingina við Kallin mánadagin. Tá breyt eitt útlendskt ferðafólk fótin har.

Persónurin við Trælanípuna hevur fingið sama ella líknandi skaða, sigur vaktleiðarin.