Níggju umsóknir til rektarastarvi í Suðuroynni

Rósa Heinesen byrjaði í starvinum sum rektari í Miðnámsskúlanum í Suðuroy 1. februar í ár. 

Longu fyrst í september segði hon seg úr starvi. Tá staðfesti Rósa Heinesen fyri Krigvarpinum, at uppsøgnin einki hevði við Kristin Michelsen at gera. Borgarstjórin á Tvøroyri var ikki blíður, eftir at rektarin í summar hevði lagt eitt lesarabræv út.

Til ber at lesa tað her

Rósa Heinesen fer í annað starv 1. desember, og tá byrjar ein nýggjur persónur í starvinum í Hovi.

Frestin at søkja starvið var úti nú mánadagin 23. september. Eftir hetta er greitt, at níggju umsóknir eru komnar til starvið.

Kringvarpið skrivar í dag, at talan er um fimm menn og fýra kvinnur. 

Í lýsingini stóð millum annað, at persónurin skal hava leiðslu- og fyrisitingarligar royndir. 

Tað er ikki endaliga greitt, nær nýggi rektarin verður settur.