Innanlands

Orrustan á LS: Landsjúkrahúsið vil senda rokningar til Almannaverkið

Landssjúkrahúsið kann spara 4 milliónir, um Almannaverkið fær rokningar fyri uppfylgjandi røkt og stuðli aftaná viðgerð

(savnsmynd)

(savnsmynd)

2019-03-20 12:10 Author image
Regin Winther Poulsen
placeholder

- Sjúklingar sum av óhepnum umstøðum gerast sjúk, áðrenn tey gerast 67 ár, og hava tørv á eitt nú uppfylgjandi røkt og stuðli, aftaná at viðgerðin er liðug á Landssjúkrahúsinum, hava tey ongastaðni at útskrivast til. 

Tað staðfestir leiðslan á landssjúkrahúsinum í skrivi, sum er sent Heilsu- og Innlendismálaráðnum í dag. Skrivi snýr seg um møguligar sparingar, sum mugu gerast, tá tað vísir seg at tað resta 20 til 30 milliónir í, til at virksemi á LS í 2019 kann verða tað sama í 2018. 

Leiðslan á LS metir at 4 milliónir kunnu sparast, við at Almannaverkið fær rokningar fyri sjúklingar, sum liggja á sjúkrahúsinum eftir viðgerðina.  Tey halda, at Almannaverkið hevur ábyrgdina av at tryggja, at hesir borgarar fáa eitt nøktandi tilboð, aftaná viðgerðina á LS.

Í skrivinum stendur at tað kostar umleið 5000 krónir um døgnið at hava ein liðugt viðgjørdan sjúkling liggjandi og hetta vilja tey, at Almannaverkið skal gjalda fyri. Tey meta at í 2018 vóru áleið 800 døgn við liðugt viðgjørdum sjúklingum, sum Almannaverkið sambært leiðsluni á LS hevði ábyrgd av. 

 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder