Video: - Skulu lyfta tjóðveldishugsjónina fram í øllum málum

- Heilt víst ein stórur lætti men hetta er eisini ein stór ábyrgd.

Soleiðis lýsti Sirið Stenberg kensluna nakrar minuttir eftir, at hon varð vald sum forkvinna í Tjóðveldi eftir 27-21 sigur á Bjørt Samuelsen í atkvøðugreiðsluna.

56-ára gamla vágbingurin staðfestir, at hon ikki verður í sessinum í 24 ár, eins og Høgni Hoydal.

- Eg verði 80 ár tá, so nei...men vænti tað verður í nøkur ár, sigur hon smílandi 

Landsstýriskvinnan í almanna og mentamálum staðfestir, at tjóðveldishugsjónin skal fram í øllum málum, og at limir floksins skulu finna semjur.

- Vit kunnu vera ósamd í ymiskum øðrum, men tað skal standa fast (...) Tjóðveldi skal verða betri at vísa, hvat tað merkir at vera í einum frælsum landi.

Sí gongdina á degnum í beinleiðis blogginum her

Einar frælsar og sjálvstøðugar Føroyar: Tað aðalmálið skal standa sterkt, staðfesti hon undir røðuni og aftaná. Sirið Stenberg kom eisni inn á, hvussu man betri kann røkka teimum ungu veljarunum.

Sí alla samrøðuna ovast.