Ingi Samuelsen
Samráðingarnar millum Sambandsflokkin, Tjóðveldi, Javnaðarflokkin og Sjálvstýrið um at skipa samgongu uttan um Fólkaflokkin, ið annars gjørdist stóri vinnarin á býráðsvalinum í Klaksvík í gjár, eru í gongd í løtuni.
Karl Johansen, borgarstjóri, upplýsti fyri Kringvarpinum fyri løtu síðani, at hann eftir ætlan heldur fram sum borgarstjóri, meðan Annika Steintórsdóttir Biskopstø, ið varð toppskorari á tjóðveldislistanum, verður varaborgarstjóri.
Sostatt fær Fólkaflokkurin ikki týðandi ávirkan í Klaksvíkar býráð, hóast listin gjørdist nógv størstur við 5 valdum og 39 prosentum at atkvøðunum.
Men hinir flokkarnir telja seks tilsamans, og kunnu harvið skipa smalan meiriluta.
Hesi vórðu vald í Klaksvíkar býráð í gjár.
Fólkaflokkurin 1.396 atkvøður:
Jógvan Skorheim 225
Oddmar á Lakjuni 182
Eyðstein Ó. Poulsen 179
Fríðin Ziskason 173
Atli S. Justinussen 163
Sambandsflokkurin 736 atkvøður:
Karl H. Johansen 355
Hermann R. Samuelsen 154
Javnaðarflokkurin 485 atkvøður:
Signhild V. Johannesen 233
Sjálvstýri 302 atkvøður:
Sylvia Thomsen 70
Tjóveldi 622 atkvøður:
Annika S. Biskopstø 200
Anfinn í Toft 170
Sí myndirnar frá uppteljingini í KÍ-høllini í gjárkvøldið
Vinarliga broyt tínar kennifíla - og privatlívsstillingar fyri at síggja hetta innihald