Bach í kertuljósi 4. desember

Aftur hesi jólini verður høvið at njóta æviga tónleikin hjá Johan Sebastian Bach í Kirkjubø í kertuljósi við kvirru og meditatión.

Vælumtókta konsertin í aldargomlu Ólavskirkjuni verður mikukvøldið 4. december klokkan 19.

Konsertin varar ein tíma og aftaná konsertina verður, sum vant, móttøka í Roykstovuni har Føroya Bjór bjóðar vælkomin og konsertgestirnir kunnu práta og hava eina hugnaliga ”after Bach” løtu. Tiltakið er ókeypis.