Fleiri vindskaðar í gjár

Fyrrapartin í gjár komu enn fleiri vindskaðar eftir illveðrið við nógvum vindi av landnyðringi, sum merktist harðari á summum støðum enn øðrum.

Millum hálvgun níggu og nakað yvir níggju komu tríggjar fráboðanir um vindskaðar í Vági. Í einum føri var talan um eina takblátu, ið varð loysnað, í einum øðrum var talan um eitt vindeygað, ið varð sogið úr einum húsum, og í triðja føri var talan um at ein húsaklædningur var loysnaður.

Á Viðareiði merktist eisini nógvur vindur um hetta mundið. Har varð boðað frá, at ryggásin á kirkjuni var um at fara.

Seinasta fráboðanin um vind á hesum sinni kom til løgregluna um 10-tíðina, har vindskeiðin á einum húsum stóð til at fara.