Rendi á tvey neyt í nátt

Stutt fyri klokkan tvey í nátt varð boðað frá, at ein bilur hevði koyrt á tvey neyt nær við rundkoyringina í Miðvági.

Eitt neyt fekk so stóran skaða, at løgreglan mátti avlíva tað á staðnum. Hitt neytið hevði fingið skaða í beinið, og tað tekur eigarin sær av, sigur vaktleiðarin á løgreglustøðini í Havn.

Bilførarin koyrdi við lágari ferð og fekk ongan skaða, men heitt varð á hann um at lata seg kanna av lækna. Bilurin fekk hinvegin stóran skaða, og kundi hann ikki koyra av staðnum.