Enn eitt kaðalslit í Finnlandi

Enn einaferð hava tey staðfest slit á samskiftiskaðali, hesaferð millum Finnland og Svøríki. Tað váttar svenski tilbúgvingarmyndugleikin, MSB.

- Vit vita at eitt brek er á kaðalinum, tað fingu vit staðfest seint í gjárkvøldið, váttar eitt talsfólk í MSB fyri Aftonbladet.

Svenska fjarskiftisstýrið fylgir støðuni, og hevur kunnað stjórnina, MSB og verjuna, sigur eitt talsfólk fyri stýrið.

Sagt verður, at hesaferð er skaðin hendur uppi á landi í Finnlandi.

Talan er um ein kaðal hjá GlobalConnect, og tey eru farin í gongd við at bøta kaðalin aftur nú.

Tað kann ikki  avvísast, at talan er um tilætlað herverk, sigur svenska kringvarpið.