Beinir í “DR’s Store Juleshow” leygarkvøldið 

Beinir er júst liðugur við eina væleydnaða konsertferð í Danmark, Týsklandi og Føroyum, har hann hevur spælt solo og við bólki. 2024 hevur verið hendingaríkt hjá unga tónleikaranum, sum í heyst gav út plátuna “Greener”, og eisini hevur sungið í fleiri sjónvarpssendingum m.a. “Vild Med Dans” hjá danska TV2.

Stóra tónleikaárið hjá Beini endar komandi leygarkvøld klokkan19.30 í DR’s Store Juleshow. Beinir var ein av 14 meiri og minni kendum sangarum, m.a. Ida Corr, Pernille Rosendahl, brøðrunum í Jonah Blacksmith og danska Grand Prix-vinnaranum í ár, Saba, ið farna leygardag sungu kendar jólaklassikarar saman við symfoniorkestri og kóri hjá Danmarks Radio í DR’s Store Juleshow.

Árliga stóra jólakonsertin varð hildin tvær ferðir í DR Konserthúsinum fyri meiri enn 3.000 áhoyrarum tilsamans.

Seinna framførslan varð tikin upp og verður send leygarkvøldið 14. desembur.

Beinir