Lestrarstuðulin og samsýningin til fosturforeldur hækkar

Djóni Nolsøe Joensen, landsstýrismaður í barna- og útbúgvingarmálum, hevur í kunngerð lýst hækkingar í upphæddum í sambandi við lestrarstuðul og samsýning til forsturforeldur.

Allar upphæddir hækka við 3,6% frá 1. januar 2025.

Fyri lestrarstuðulin merkir hetta til dømis, at tey, sum lesa hægri lestur, nú fáa 5.139 kr. um mánaðin í mun til 4.960 kr. frammanundan.

Samsýningin til fosturforeldur, sum hevur verið 128,77 kr. um samdøgrið hækkar til 133,40 kr. frá 1. januar 2025.

Barna- og útbúgvingarmálaráðið