Barnagarðurin á Sandi reistur

Í gjár bleiv nýggi hart tiltrongdi barnagarðurin hjá sandingum reistur. Tað skrivar Sands kommuna.

- At síggja merkið veittra yvir snotiliga bygninginum beint undan jólum, er ein gáva, sum vit í Sands bygdarráði eru so sera errin av, sigur kommunan.

Tað er Bulur sum stendur fyri arbeiðinum, tað var eisini Bulur sum bygdi nýggja skúlan fyri Sands kommunu.

Nýggi barnagarðurin á Sandi fer at hava pláss fyri umleið 100 vøggustovu- og barnagarðsbørnum.

Sáttmálin fyri barnagarðin er upp á 22 milliónir krónur.