Seinasti fundur í býráðnum

Farna mánakvøld var ein serligur fundur í Vágs býráð, har tríggir býráðslimir, Eyðbritt Krosslá, Anna B. Samuelsen og Magnus M. Hjelm, høvdu teirra seinasta býráðsfund.

Í hesum sambandi handaði borgarstjórin, Bjarni Johansen, teimum gávur sum tøkk fyri teirra drúgva og virðismikla arbeiði í býráðnum.

Eyðbritt og Anna hava verið partur av býráðsarbeiðinum í 10 ár, meðan Magnus hevur sitið í 4 ár. Borgarstjórin takkaði teimum fyri teirra íkast til menningina av Vágs kommunu. Hann legði dent á teirra ágrýtni og eldhuga fyri málum, ið hava styrkt trivnaðin og tænasturnar í kommununi, skrivar heimasíðan hjá Vágs kommunu.