Ingi Samuelsen
Í eini serligari jólaheilsan á egna sosiala miðli sínum, TruthSocial, ynskir komandi forsetin í USA, Donald Trump, gleðilig jól til fleiri persónar og lond.
Eisini til “fólkið í Grønlandi, sum USA hevur brúk fyri til tjóðartryggjandi endamál, sum vil hava USA at vera har, og tað vilja vit...”, sum hann skrivar.
Yvirhøvur er henda serliga jólaheilsanin ætlað teimum, sum komandi amerikanski forsetin vil hava skulu gerast partur av USA, umframt Grønland, nevniliga Kanada og Panama.
Les: Trump vil framvegis hava Grønland
Les eisini: Landsstýrisformaðurin: Grønland er okkara
Trum ynskir eisini gleðilig jól til kinesisku soldátarnar, sum “kærliga, men ólógliga reka Panama-veitina”, og til forsætisráðharran í Kanada, Justin Trudeau, sum hann kalla fyri “guvernør”, fyri enn einaferð at lufta tankanum um at innlima Kanada í USA sum tann 51. staturin.
Jólaheilsanin á TruthSocial sæst her
Vinarliga broyt tínar kennifíla - og privatlívsstillingar fyri at síggja hetta innihald