Jarðrok í ælunum og hált í støðum

Koyrilíkindini eru ikki tey bestu hendan seinnapartin, týsdagin 7. januar.

Eina løtu var als ikki koyrandi eftir Gjáarvegnum. Tað er tað nú, men Landsverk ávarar um, at jarðrok er í ælunum har. 

Soleiðis er eisini á Vestmannavegnum, Oyggjarvegnum og Oyndarfjarðarvegnum, stendur ovast á landsverk.fo.

Á heimasíðuni har sæst eisini, at roknast kann við hálku - í nógvum ymiskum støðum í landinum.

Fyrrapartin koppaði ein bussur í Vágum. Hetta var helst orsakað av hálku.

Sí veðrið her