Tvey innbrot fráboðað til løgregluna

Sunnudagin varð boðað frá innbroti í Bónus í Miðvági. Helst hevur ein persónur verið inni í handlinum um náttina.

Ein peningaupphædd er stolin, upplýsir vaktleiðarin á politistøðini í morgun uttan at koma nærri inn á hvussu nógvar pengar talan var um.

Eisini er komin ein fráboðan til løgregluna um innbrot á einum stovni í miðbýnum í Havn.

Møguliga er samband millum hetta innbrotið og innbrotini, sum vóru á tveimum matstovum í býnum, sum vit skrivaðu um í gjár. Tað verður kannað nærri í dag.

Les eisini: Innbrot á tveimum matstovum í Havn