Grót rapað oman á vegin í Sandslíð

Boðað varð frá einum lítlum omanlopi í Sandslíð í morgun. Nakað av gróti liggur á vegnum, men persónbilar kunnu koyra framvið, sigur vakthavandi hjá løgregluni, men lastbilar kunnu ikki koyra gjøgnum líðina.

Landsverk er fráboðað, og væntandi er vegurin ruddaður innan alt ov langa tíð, upplýsir vaktleiðarin.

Hóast nógva vindin, hevði løgreglan bert fingið tvær fráboðanir um vindskaða í morgun. Talan var um smærri skaðar, leysar takplátur og líknandi. Báðar av Skálafjrðinum – í Runavík og innan Glyvur.