Vesturkirkjan letur upp aftur

Vesturkirkjan hevur verið stongd í ein mánaða vegna umvælingar, men í morgin, sunnudagin 2. mars letur hon uppaftur.

Stórarbeiðið er gjørt. Altarveggurin “Jákupsstigin,” sperrurnar um tornvindeyguni og forkirkjan eru málað, og harumframt er gjørt wc til rørslutarnað.

Gudstænasta verður í morgin klokkan 11. Hanus á Gørðum, sóknarprestur, prædikar, kristiliga sangkórið syngur, og tað verður altargongd.  Eftir gudstænastuna bjóðar kirkjuráðið kaffi og køkur.