Innanlands

Lurta: Her er privata samrøðan sum øll tosa um

Her hoyrist brotið har tingbólkaforkvinnan í Tjóðveldi kallar Páll á Reynatúgvu fyri egoist og psykopat

2019-04-07 22:16 Author image
Sverri Egholm

Stóra gøla hevur tikið seg upp í Tjóðveldi síðani tað seinnapartin kom fram, at Annita á Fríðriksmørk, tingbólkaforkvinna, undir flokstinginum í gjár, millum annað hevði kallað Páll á Reynatúgvu stóran egoist og psykopat.

- Hann er ein stórur egoist og psykopat, hann hevur slettað meg sum vin, hann hevur slettað øll sum vin, sum hava sagt sína meining við hann, sigur Annita á Fríðriksmørk í stroymingini, sum Tjóðveldi hevur tikið av netinum aftur síðani hetta kom fram.

Men omanfyri hoyrist ein stórur partur av privatu samrøðuni, sum Annita á Fríðriksmørk hevði við ein persón í steðginum.

Av misgávum var ljóðið ikki sløkt í steðginum, og tí er øll samrøðan komin út á netið. Ein partur av henni hoyrist omanfyri.

Les eisini: Annita á Fríðriksmørk: - Helt ikki nakar hoyrdi tað

placeholder
placeholder