Mentan

Svimjidraktin sleppur ikki við til Eurovision

Sissal Jóhanna og hennara toymið eru byrjað av nýggjum. Framførslan í Eurovision verður ein heilt onnur enn tann í Herning leygardagin

(Mynd: Sverri Egholm)

(Mynd: Sverri Egholm)

2025-03-07 17:31 Author image
Sverri Egholm
placeholder

- Vit eru byrjaði av nýggjum. Vit hava kasserað alt, sum vit høvdu við í Herning og byrja frá botni.

Tað sigur Melodi Grand Prix-vinnarin Sissal Jóhanna Norðberg Niclasen við heimasíðuna hjá Danmarks Radio.

Hon var í gjár í DR-býnum á Amager, har hon og toymi hennara arbeiða við framførsluni til Eurovision, sum verður í Sveis í maimánað.

Les eisini: Fyri aðru ferð uppá trý ár

Hóast hon vann, so hevur nakað av kritikki verið av framførsluni í Herning leygardagin.

Reyður tráður
- Eg havi fingið fleiri hundrað boð frá fólki, sum eru kedd av, at mín framførsla ikki livur upp til væntanina. Tey skriva, at sangurin hevur uppiborið eina betri framførslu og ein møguleika at klára seg væl í Eurovision.

- Tað manglaði kanska ein reyður tráður í mínari framførslu, og tað kendist kanska heldur tómt, sigur Sissal Jóhanna og lovar meira í Sveis.

[object Object](Mynd: Sverri Egholm)

- Í Herning vóru tað bara tveir dansarar og eg, men til Eurovision er ætlanin at tað verður eitt nakað eyka, sum skal vera við til at ímynda boðskapin í sanginum, sigur hon uttan at avdúka ov nógv.

Í mun til klæðir verður eisini nógv broytt. Draktin, sum á sosialum miðlum verður samanborðin við svimjidrakt, sleppur ikki við tá Sissal Jóhanna og hini í toyminum fara til Sveis um góðar tveir mánaðir.

- Eg helt at draktin var feit og flott og elskaði hana. Men eg dugi væl at síggja, hví onkur heldur tað líkjast einari svimjidrakt. So ja, tað verður broytt. Vit skulu gera ein samanhangandi pakka, har klæðini, framførslan, farvurnar á pallinum og boðskapurin í sanginum skulu hanga betri saman, sigur hon.

Eurovision Song Contest verður 13. 15. og 17. mai í Basel í Sveis. Sissal og Danmark framføra í seinnu hálvfinaluni, sum verður 15. mai.

Sí eisini: Myndir: Føroyskur sigursrúsur í Herning


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder