Russland: Tveir bretar útvístir fyri njósning

Tveir persónar við tilknýti til bretsku sendistovuna í russiska høvuðsstaðnum, Moskva eru ákærdir fyri at njósnast og hava fingið boð um at fara úr Russlandi, upplýsir russiska fregnartænastan FSB fyri russisku tíðindastovuni Tass.

Talan er um ein 34 ára gamlan mann og ein 32 ára gamla kvinnu, skrivar bretski miðilin LBC.

Sambært FSB hava bæði tilvitað givið falskar upplýsingar um seg sjálvi við komu til landið, og eisini eru ábendingar um njósning og sabotasju hjá báðum.

Tey hava nú tvær vikur til at fara úr Russlandi.