Skotskur politikkari: - Vit skulu læra av Føroyum

- Flutningsskipanin í Føroyum er tað slagið av skipan, sum vit eiga at tráa eftir at fylgja á skotsku oyggjunum.  

Tað heldur Angus MacNeil, sum er limir í bretska tinginum fyri skotska tjóðveldisflokkin, SNP. Hann hevur skrivað boð til Michael Matheson, sum er landsstýrismaður í Transporti fyri í Skotlandi, har hann heitir á skotsku stjórnina um at vitja Føroyar. Tað skrivar Stornoway Gazette á netmiðli sínum. 

Hann sigur, at stjórnin ítøkiliga eigur at hyggja at Skálafjarðatunnlinum, sum er um at verða liðugur.  

Angus MacNeil hevur sjálvur fleiri ferðir verið í Føroyum, umframt at hann hevur verið verið formaður í tvørpolitisku føroyanevndini í bretska parlamentinum.