Forlagið Vøkstur givið út sína fyrstu jólabók

Forlagið Vøkstur hjá Fólkakirkjuni hevur givið út sína fyrstu jólabók.

Talan er um "Fyrstu jólini", eina myndprýdda barnabók, sum sigur søguna um Jesu føðing.

– "Eg beri tykkum góð tíðindi!" segði eingilin. "Guds sanni kongur er føddur í Betlehem!"

– Kom og undrast saman við hirðunum úti í haganum. Ver við í ævintýrinum saman við vísmonnunum, meðan teir fylgja stjørnuni til Betlehems. Fá eisini lut í gleðini hjá Mariu og Jósefi um undurfullu føðingina hjá barninum Jesusi.

Fyrstu jólini er 28 síður og fæst bókin í bókabúðunum um landið, skrivar Fólkakirkjan.