Kunnu vænta storm í annaðkvøld

Eitt lágtrýst vestur úr Iberisku hálvoynni dýpist og ferðast skjótt móti Bretlandi, og tað hevur við sær nógvan vind og nógv avfall í Føroyum í annaðkvøld.

Sambært Veðurstovuni verða upp í 23-24 metrar um sekundið og fitt av regni í annaðkvøld. Longu týsdagin seinnapartin øtlar hann um vindin, sum síðan so veksur sum frálíður.

Mesti vindurin verður um midnáttarleitið. Móti morgni minkar vindurin niður í strúk ella skrið av landnyrðingi, 13 til 18 m/s, samdrigið og regn, í støðum við vátakava. Hitin 6 til 10 stig.

Síggj feskastu veðurforsøgnina her