Vindskaðar um stóran part av landinum

Fitt av vindi var í nátt og tað sæst aftur í samdøgurðsfrágreðingini hjá løgregluni. Umleið 30 fráboðanir um vindskaðar komu frá klokkan hálvgun seks í gjárkvøldið til trýkorter til fimm í morgun.

Fyri tað mesta var tað úr Klaksvík, Eysturkommunu, Kollafirði og í Vágum. Eisini var okkurt smávegis úr Havn og Hoyvík.

Í stóran mun var talan um húsaklædningar sum høvdu fingið skaða, tekjur sum hava rivið, brotnir rútar, og tilfar sum feyk í vindinum.

Í Leirvík rann Mataráin yvir og har fleyt vatn inn í kjallarar.

Hetta eru so bara fráboðaninar sum løgreglan fær. Sløkkiliðini og bjargingarliðini fáa eisini nógvar fráboðanir beinleiðis.