Føroyingar lesa um føroyska søgu og føroyingar

Rit & Rák hevur gjørt upp, hvørjar bøkur verða seldar í hesum døgum.

Svørt Orkidé hjá Vónbjørt Vang liggur greitt ovast á metsølulistanum, men annars vinna yrkisbøkurnar á skaldskapinum.

Av teimum umleið 160 bókunum, sum eru komnar út á føroyskum higartil í ár, eru 48 yrkisbøkur, 42 skaldskapur og 70 barnabøkur.

- Vit kunnu enn einaferð staðfesta, at okkum dáma at lesa um føroyska søgu og føroyingar yvirhøvur. Seks av trimun tíggju bókunum á metsølulistanum eru slíkar. Ovast av hesum er bókin um Toda, og harumframt eru tvær um sjólívið.

Matbøkur eiga eisini vanliga pláss á listanum, og í ár er einki undantak. Tær báðar eru Tað, sum eftir er, og Søtt & salt, siga tey í Riti og Ráki.

Bókin um Føroysk mineral og grótsløg er ein sum skilir seg burturúr, men hetta er eisini ein sera snøgg og hent handbók.

Metsølulistarnir vóru dagførdir mikudagin.