placeholder
Innanlands

Pallborðsfundur á Oyrasundi í kvøld

Veðurlagspolitikkur, Fosturtøka og Loysing/Samband verða evnini, sum umboðini fyri flokkarnar skulu kjakast um

"Føroyingakollegie" á Amager verður karmur um pallborðsfundin

2019-05-16 14:05 Author image
Agnar Prestá
placeholder

Tað styttist til løgtingsval, og í tí sambandinum skipar Keypmannahavnarnevndin hjá Meginfelag Føroyskra Studenta fyri pallborðsfundi í felagshølinum Sumpen, á Oyrasundskollegienum í kvøld.

MFS boðar frá, at eitt umboð frá øllum politisku flokkunum, sum eru á tingi í Føroyum, er boðið við til pallborðsfundin, og at evnini, sum verða viðgjørd og sum kjakast verða um, eru trý í tali:

1) Veðurlagspolitikkur
2) Fosturtøka
3) Loysing/Samband.

Tvey tey fyrstu eru nógv frammi fyri tíðina, og tey koma allarhelst at fylla nógv í valstríðnum. Tað seinasta hevur helst serliga ein relevans, tí at áhoyrarnir eru føroyingar, ið búgva í Danmark

Tiltakið byrjar klokkan 19.00, og tað er ókeypis.

Floksumboðini á pallborðsfunfinum verða hesi:
Fólkaflokkurin: Elsebeth Mercedis Gunnleysdóttir
Sambandsflokkurin: Anna Falkenberg
Javnaðarflokkurin: Jónleif Johannesen
Sjálvstýri: Jens Heri Bolstad Mortensen
Tjóðveldi: Hervør Pálsdóttir
Framsókn: Bjarni Kárason Petersen
Miðflokkurin: Aksel Berg

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder