Trump boðar frá samráðingum millum USA og Iran

Støðan hevur leingi verið spent millum USA og Iran, men nú boðar amerikanski forsetin, Donald Trump frá, at samráðingar eru byrjaðar millum londini.

– Iran tosar við okkum, og vit fáa at síggja, um vit kunnu gera nakað - annars mugu vit síggja, havt hendir, sigur Trump við miðilin Fox News um vikuskiftið.

Trump hevur áður hótt við at brúka herin móti Iran, eftir at túsundatals mótmælisfólk eru dripin í mótmælunum móti prestastýrinum í Iran seinastu tíðina. Eisini hevur Trump ynskt at fáa Iran aftur til samráðingarborðið um eina kjarnorkuavtalu.

Trump hevur eisini hótt við eitt fremja eitt størri álop á Iran enn tað, sum USA framdi á trý iransk kjarnorkuverk í juni í fjør, um Iran ikki skjótt fær eina nýggja kjarnorkuavtalu í lag.

Á vári í fjør vóru samráðingar millum Iran og USa um eina avtalu, sum skuldi koma í staðin fyri avtaluna frá 2015, sum USA tók seg úr í 2018 undir fyrsta forsetavalskeiðnum hjá Trump. Samráðingarnar steðgaðu tó upp, tá Ísrael leyp á iransk kjarnorkuverk. Hetta elvdi til 12 dagar langa kríggið millum Iran og Ísrael.

Av trygdarávum verða sameind í Miðeystri ikki kunnað um møgulig álop á Iran, sigur Trump sambært Ritzau.