Mentan

Norðurlendskir miðlar: Trygdin í Tel Aviv ikki nøktandi

Svenski miðilin Aftonbladet og tíðindastovan TT, umframt norska VG hava gjørt av ikki at fylgja við Eurovision finaluni úr høllini í Tel Aviv

John Lundvik, ið umboðar Svøríki við sanginum

John Lundvik, ið umboðar Svøríki við sanginum "Too Late For Love" er millum favorittarnar (Mynd: EPA)

2019-05-18 18:32 Author image
Alda Nielsdóttir
placeholder

Fleiri norðurlendskir miðlar hava droppað at viðgera finaluna í Eurovision Song Contest úr høllini í Tel Aviv í Ísrael, tí at trygdin, sambært teimum, er ov vánalig.

Svenski miðilin Aftonbladet og tíðindastovan TT, umframt norska VG hava gjørt av at fylgja við í kappingina aðrastaðni enn úr serliga rúminum, sum eru innrættað til miðlarnar.

Avgerðin kemur, eftir at tað eydnaðist tveimum monnum at sníkja seg inn á eitt stongt øki í høllini.

- Eg vænti betri trygd til eitt altjóða tiltak sum hetta, sum eisini verður hildið í einum ótryggum øki, sigur Karin Schmidt Hellsing, redaktiónsleiðari hjá Aftonbladet, sambært Berlingske.

European Broadcasting Union (EBU), sum stendur fyri tiltakinum sigur seg hava tikið málið í álvara, men sambært EBU, samsvarar trygdin við lokalu lóggávuna og krøvini hjá EBU sjálvum.

Spurningurin um trygd varð eisini tikin upp, áðrenn ársins sangkapping varð skotin í gongd. EBU vendi sær nevniliga beinleiðis til ísraelska forsetisráðharran, Benjamin Netanyahu. Orsøkin var tá, at ein partur av fíggingini manglaði.

Síðani hava bæði Ísrael og EBU lovað, at trygdarstøðið er høgt.

Í ár eru øll norðurlond uttan Finnland komin í finaluna, sum verður víst á DR1 klokkan 20 í kvøld.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder