Vatnið á eystursíðuni í Klaksvík var vekk í umleið seks tímar

Fyrrapartin mistu nógv fólk á eystursíðuni í Klaksvík vatnið - onnur høvdu avmarkað trýst á vatnleiðingina.

Klaksvíkar Kommuna kunnar á heimasíðu sínari um, at neyðugt vara at lata aftur vatnleðingina á Grønabóli í Klaksvík. Hetta ávirkaði alla eystursíðuna í Klaksvík.

Um hálvgun ellivu tíðina var boðað frá, at óvist var, nær vatnið kom aftur.

Klokkan 16.45 kom ein dagføring á klaksvik.fo, har boðað var frá, at vatnið var komið aftur.

Borgarar fingu tó áminning um, at um luft er í krananum, so er at lata vatnið renna eina løtu

Vatnið var vekk í umleið skes tímar - tað er eingin nærri frágreiðin komin um, hví tað var so leingi vekk.