Alda Nielsdóttir
Fyrsti fundur hjá sonevnda friðarráðnum fyri Gaza, Gaza Board of Peace verður eftir ætlan 19. februar, upplýsa keldur fyri miðlinum Axios.
– Tað verður fyrsti fundur hjá friðarráðnum og ein innsavningarráðstevna til enduruppbygging av Gaza, sigur eitt amerikanskt embætisfólk.
Fundurin verður brúktur til at seta í verk næsta stig av avtaluni um vápnahvíld millum Ísrael og Hamas og til at savna inn pening til enduruppbygging av økinum.
Fundurin verður eftir ætlan hildin í Washington D.C. Ætlanirnar kunnu tó framvegis broytast, skrivar Ritzau.
Higartil eru 27 limir í friðarráðnum, sum amerikanski forsetin, Donald Trump stendur á odda fyri.
Trump stovnaði ráðið í januar. Summi halda, at Trump við hesum ráðnum roynir at stovna eitt alternativ til ST-trygdarráðið.
Ísraelsk embætisfólk upplýsa, at ísraelski forsætisráðharrin, Benjamin Netanyahu skal hitta Trump í Hvítu Húsunum 18. februar - dagin fyri fundin í friðarráðnum.
Vinarliga broyt tínar kennifíla - og privatlívsstillingar fyri at síggja hetta innihald