Kinesiski forsetin til USA seinni í ár

Seinni í ár vitjar kinesiski forsetin, Xi Jinping í USA.

Xi forseti vitjar í Hvítu Húsunum í Washington D.C. síðst í hesum árinum, sigur amerikanski forsetin, Donald Trump.

– Tað eru tey bæði valdmiklastu londini í heiminu, og vit hava eitt sera gott samband, sigur Trump sambært Ritzau.

Í fjør vóru londini annars mitt í einum stórum handilskríggi, har tollurin endaði við at fara uppum tey 100 prosentini. USA og Kina hava tó síðani gjørt eina handilsavtalu.

Trump væntast at vitja kinesiska starvsbróðir sín í apríl.

Seinast Xi vitjaði í USA var í 2023.