roWan við bólki í OY í kvøld

Róin Siggertsson – eisini kendur sum roWan – verður í kvøld at hoyra í OY.

Við sær hevur hann Arnold Ludvig á bassi og Brand Jacobsen á trummum.

Teir tríggir eru vanir at spæla saman, og tað kemur ivaleyst at merkjast á framførsluni.

Lagt er sostatt upp til eitt inniligt og festligt kvøld, har teir millum annað fara at tríva í egin løg hjá Róini Siggertsson.

Róin er eisini kendur fyri sínar sermerktu tulkingar av stórum sangum – eitt nú hjá Billy Joel – og er kanska tað tættasta vit føroyingar koma Motown.