Infinity og Sissal víðari

Sissal Jóhanna Norðberg Niclasen við lagnum Infinity varð sum tann fyrsta rópt upp og kom víðari sum ein av trimum í danska Melodi Grand Prixnum í kvøld.

Nú verður finaluumfarið, og framførast skal umaftur. Eisini skal atkvøðast av nýggjum.

Hini sum eru víðari eru Søren Torpegaard Lund við lagnum Før við går hjem, og Ericka Jane við lagnum Death of me.

Tað var eitt brak av einari framførslu sum Sissal hevði fyrr í kvøld, og hetta hóvað hyggjarunum og ikki minst dómsnevndini. Hyggjarar og dómsnevnd avgera helvt um helvt hvør skal vinna.