Nýggj goymsluhøll á flogvøllinum reist

Í dag verður flaggað við flogvøllin, nú J&K Petersen hevur reist goymsluhøll innanfyri flogvallarøkið.

Flogvøllurin verður útbygdur vestureftir, og tørvur er tískil á meira goymsluplássi. J&K Petersen hevur staðið fyri at byggja eina stálhøll á 600 fermetrar beint vestanfyri gamla terminalin. Høllin er reist í dag.

Í næstum verður høllin innilokað, og skal hon standa klár til nýtslu fyrst í apríl mánaði.