Ferðsluóhapp á Marknagilsvegnum

Seinnapartin í gjár var eitt ferðsluóhapp á Marknagilsvegnum í Havn, har ein bilur rendi í afturpartin av einum øðrum bili.

Grundgevingin hjá bilføraranum, sum rendi á var, at hann varð blindaður av sólini, sum stóð so lágt, og tí varnaðist hann ikki, at bilurin frammanfyri hevði bremsað.

Bilførarin, sum rendi á, fær bót og klipp í koyrikortið fyri ikki at hava hildið neyðugu frástøðuna, sigur vaktleiðarin á løgreglustøðini í Havn.

Lagt verður afturat, at eingin fólkaskaði var, og bilarnir fingu heldur ikki nógvan skaða.