Skuldsettir fyri herverk á tríggjar bilar

Teir báðir menninir, sum sunnunáttina vórðu handtiknir fyri at hava framt herverk á bilar í miðbýnum í Havn, eru nú skuldsettir fyri herverk á tríggjar bilar, og fyri brot á skilhaldsreglurnar, upplýsir vaktleiðarin á løgreglustøðini í Havn í morgun.

Eisini verður helst eitt krav um endurgjald, sigur vaktleiðarin, sum leggur afturat, at talan var ikki um grovt herverk.

Les eisini: Herverk á fleiri bilar í miðbýnum í Havn

Umframt at hava framt herverk á tríggjar bilar, hava menninir eisini verið inni í fleiri øðrum bilum, men har var ikki nakað brotið.

Talan er um tveir útlendingar, og teir verða ikki útvístir, tí talan er um so mikið lítið lógarbrot, sigur vaktleiðarin.