Tunghoyrt í Listastovuni 28. februar

Í annaðkvøld verður konsert við bólkinum Tunghoyrt í Listastovuni í Míðvági.

Tunghoyrt varð stovnað á heysti 2024 og er mannaður av fýra 19 ára gomlum monnum, sum spæla harðan tónleik við íblástri frá 90’ara rokki.

– 2025 tóku teir bæði Sement, SPOT Festival, G!, ólavsøku og pallarnar kring landið við stormi – og nú leggja teir leiðina framvið Listastovuna leygarkvøldið 28. februar.

– Í februar góvu teir út sína fyrstu EP, ÓJÓ, sum longu hevur fingið góða móttøku og verður hon at hoyra á konsertini, stendur í tíðindaskrivi frá Listastovuni.

Teir, sum manna bólkin, eru: 

• Bjarni Jakobsen – trummur
  
• Erik Reynheim – bass
  
• Helge Greve – guitar
  
• Jóni Strøm – vokal