Tummas í Garði er komin á Fólkaflokslistan

Havnar Framburðsfelag hevði triðja uppstillingarfund í kvøld, og tað er ikki hissini langur listi, sum nú er lagdur fram fyri almenninginum.

14 valevni standa á og bjóða seg harvið fram til løgtingsvalið tann 28. mars.

Havnar Framburðsfelag stillar í øllum førum hesi upp:

Astrid Breckmann
Jessica Celibashi
Tummas í Garði
Rúni Hammer
Hans Jacob Heinesen
Annfinn Hjelm
Jannie Dam Jacobsen
Birita Lamhauge Jóansdóttir
Fróði Magnussen
Erling Mørkøre
Birgir Nielsen
Leivur Simonsen
Eyðun Tausen
Jan Vestergaard

Havnar Framburðsfelag stillar hesi 14 upp - og møguliga onkran afturat 

Valfelagið hjá lokalfelag Fólkafloksins í høvuðsstanum skrivar enn tá, at listin ikki er enn ikki lokaður, so "tað kann verða, at okkurt valevni kemur afturat".

Fleiri nýggj nøvn - leita eftir umboði úr høvuðsstaðnum

Sum vit skrivaðu um í gjár, var Fróði Magnussen á veg á listan. Stjórin í Formula í og fyrrverandi formaðurin í Búskaparráðnum er nýggur í politikki og stóð eisini á í kvøld.

Tað sama gjørdi Tummas í Garði. Seinastu seks árini hevur hann verið varastjóri við læknafakligari bakgrund í Sjúkrahúsverkinum.

Sambært valurslit.fo hevur hann tríggjar ferðir áður stilla upp fyri Fólkaflokkin - best gekst fyrstu ferð, sum var í 2002, tá Tummas í Garði fekk 166 atkvøður (nummar níggju á listanum yvir alt landið - tá var eitt valdømi)

Talan er um ein breiðan lista, og millum tey nýggju er eisini Jannie Dam Jacobsen sum er kend frá kappróðri og Jarnbardi.

Jannie Dam Jacobsen hevur vunnið eina rúgvu í kappróðrabáti - nú skal hon royna seg í politikki (Mynd: Jens Kr. Vang)

Millum tey yngru, úr Huxa, eru Jessica Celibashi og Rúni Hammer (formaður) Formaðurin í sjálvum valfelagnum, Jan Vestergaard, stillar sjálvur upp. Hann er sonur Jacob Vestergaard.

Havnar Framburðsfelag hevur einki umboð havt á tingið hetta valskeiðið. Tað ætla tey, og flokkurin, sjálvandi at broyta.