Agnar Prestá
12. mars 2026 er seinasta freist at lata formanninum í løgtingsvalnevndini
valevnalistar.
Hetta er sambært § 17, stykki 4 í vallógini.
Tað merkir, at í kvøld - ella í morgin - verður endaliga greitt, júst hvørji og júst hvussu nógv vera á listanum til løgtingsvalið um tvær vikur.
169 valevni vóru til seinasta løgtingsval í 2022.
Skjótast møguligt eftir klokkan 18 í kvøld skal løgtingsvalnevndin senda valstýrunum atkvøðuseðlar í neyðugum tali.
Tey flestu valevnini eru uppá pláss, men í dag fáa vit at síggja, um onkur av flokkunum hevur kaninir í hattinum.
Har er ein 24 tíma freist hjá løgtingsvalnevndini at ógilda ein valevnislista ella krevja broytingar.
- Um so er skal nevndin beinanvegin boða viðkomandi umboði fyri flokkin ella stillara frá hesum og geva honum høvi til innan 24 tímar at bøta um brekið, skrivar Fríggjarmálaráðið.
Vinarliga broyt tínar kennifíla - og privatlívsstillingar fyri at síggja hetta innihald