Stjórnin fríggjadagin: Við politikarum og áhoyrarum

Fríggjadagin 13. mars klokkan 15 er Stjórnin – politikkur á skák – eyka á skránni hjá FM1.

Politiska sendingin var sum vant í gjár, men ein eyka partur verður í morgin.

Sí eisini: - Sær út sum alt liggur og svimur inni á miðjuni

Forfólk og "fjepparar" vitja

Hendan sendingin verður gjørd í sambandi við valið og verður eitt sindur øðrvísi.

Umframt teir tríggjar stjórnarlimirnar, Jóannes Eidesgaard, Heðin Zachariassen og Torbjørn Jacobsen, luttaka Bárður á Steig Nielsen, formaður í Sambandsflokkinum og Sirið Stenberg, forkvinna í Tjóðveldi.

Sirið og Bárður bresta saman - við hvønn annan og Stjórnina (Mynd: Sverri Egholm)

Ríkisfelagskapurin: Sirið og Bárður brustu saman

Tey fara at sita á pallinum inni í "auditorinum", biosalinum, í Miðlon har FM1 og Portalurin halda til. 

Har er pláss til áhoyrarar, og til hendan serpartin av "Stjórnini" vera fólk til staðar - serliga fólk úr nevndu flokkunum.

Á FM1 og Portalinum - og á Rás1

Stjórnin verður sjálvandi send á FM1 og seinni løgd út á fm1.fo.

Men nú hava vit eisini stroymiútgerð, so eins og mikudagin, verður stoymt á portal.fo.

Hesaferð verður eisini stroymt á Rás 1 á Televarpinum.

Í hesi sending verða nógvir politiskir spurningar vendir, men sjálvandi verður ríkisrættarliga støðan ein stórur partur av kjakinum, nú Sambandsflokkurin og Tjóðveldi eru upp ímóti hvørjum øðrum.

Lurta á fm1.fo - ella á vanligu frekvensunum

Hygg á portal.fo ella á Rás 1.